• Email: Этот адрес электронной почты защищен от спам-ботов. У вас должен быть включен JavaScript для просмотра.
  • Tel: (+992 37) 224-57-37 | (+992 37) 224-57-67

 

ТАҶЛИЛИ 90-УМИН СОЛГАРДИ ШОИРИ ХАЛҚИИ ТОҶИКИСТОН АШӮР САФАР

Дар қасри фарҳанги шаҳри Кӯлоб ҷашни 90-умин солгарди Шоири халқии Тоҷикистон Ашӯр Сафар баргузор гардид. Нахуст иштирокчиён аз хона-музейи шоир дидан намуда, дар пояи нимпайкарааш гулчанбар гузоштанд.

Дар чорабинӣ адибону рӯзноманигорон ва ҳунармандону адабиётшиносон аз гӯшаву канори кишвар ширкат варзида, аз ҳаёту фаъолияти шоир ҳарф заданд.

Низом Қосим, Раиси Иттифоқи нависандагони Тоҷикистон, девони Ашӯр Сафарро муаррифӣ намуда, баён дошт, ки шоир ба адабиёт бо маҷмӯаи нахустини ашъораш - "Ибтидои роҳ" қадам гузошта, аз ҷониби мухлисони адабиёт ва устодони сухан баҳои сазоворро соҳиб гардид.

- Ашӯр Сафар аз оғоз ба назари устодон Мирзо Турсунзода, Боқӣ Раҳимзода ва Ғаффор Мирзо афтода, дар кӯтоҳтарин муддат собит намуд, ки ӯ дар эҷоди асарҳои ғиноиву ҳаҷвӣ ҷиддӣ ва масъулиятшиносу пуртакопӯст, - афзуд Низом Қосим.

Идомаи: ТАҶЛИЛИ 90-УМИН СОЛГАРДИ ШОИРИ ХАЛҚИИ ТОҶИКИСТОН АШӮР САФАР

ЧАРОҒИ РАВШАНИ МУҲАББАТ

Китоби тозанашри "Чароғи сурхи танҳоӣ"-и Шоири халқии Тоҷикистон Гулрухсор, ки рубоию дубайтӣ ва муфрадоти солҳои гуногун эҷодшудаи ӯро фаро гирифтааст, дар Иттифоқи нависандагони Тоҷикистон бо иштироки адибону пажӯҳишгарон ва мухлисони шеър рӯнамоӣ шуд.

Муовини аввали раиси ИНТ Ато Мирхоҷа суҳбатро бо рубоии зери Гулрусхор, ки як навъ баёнгари симои эҷодию инсонии ӯст, оғоз намуд:

Ман дар нафаси шитоби худ хоҳам зист,

Дар ҳар варақи китоби  худ хоҳам зист.

То ҳастаму ҳаст зулму зулмат ба ҷаҳон,

Дар хандаи офтоби худ хоҳам зист.

Номбурда изҳор дошт, ки устод Гулрухсор дар эҷоди рубоию дубайтӣ дасти қавӣ ва сабку маҳорати вижа дошта, аз рубоиёту дубайтиҳои мардумӣ бо огоҳии комил суд ҷустааст ва аз ин рӯ, мардум низ онҳоро хуб пазируфтаанду дӯст доштаанд. Қисмате аз рубоию дубайтиҳои ин китоб аз тарафи сарояндагони тоҷик низ суруда шудаанд.

Дар суханронии худ шоир ва пажӯҳишгари эронӣ, муаллифи пешсухани китоб Ҳасан Қарибӣ зикр намуд, ки хонандагони шеър дар Тоҷикистон нисбат ба дигар кишварҳои форсизабон бештаранд ва  ин аз фарҳангу маънавияти волои онҳо гувоҳӣ медиҳад. Ҳасан Қарибӣ дар бораи хусусиятҳои хосси ашъори "Чароғи сурхи танҳоӣ" андеша ронда, ёдовар шуд, ки имрӯз рӯзи гиромидошти Фирдавсӣ ва шеъри форсӣ мебошад ва доир шудани рӯнамоии китоби мазкур дар ин рӯз фолу рамзи нек аст.

Устод Гулрухсор бо арзи сипос ба ҳозирон баён дошт, ки "ман рубоиҳову дубайтиҳоямро аз байни халқ гирифтаам ва барои халқ гуфтаам".

Дар бораи вижагиҳои рубоию дубайтӣва муфрадоти китоб адибону донишмандон Абдулҳамид Самад, Абдураҳмони Абдуманнон, Ҷӯрабек Назрӣ ва дигарон бо меҳру ихлоси зиёд сухан гуфтанд.

Қироати шеър аз сӯи шоири ҷавон Бузургмеҳри Баҳодур ва ровии телевизион Бахтовари ҷамшед маҳфили рӯнамоӣ ва Рӯзи  Фирдавсиро рӯшноии бештар бахшид.

Т.  Халилӣ

ОИНАДОРИ ОБШОР

Абдулҳамид Самад

19.05.2018 

Тақрибан ду моҳ пеш бо Акбар Абдулло ба аёдати устод Муъмин Қаноат рафтем. Бонуяшон дарро кушоданд. Устод низ ба даҳлез баромаданд. Чеҳрааш равшан, қоматаш чун ҳамеша рост, саломатиаш беҳтар. Шод шудам, ки хабару овозаҳои нохуши кўча аз сиҳатии устод ботил будааст.

Идомаи: ОИНАДОРИ ОБШОР

ВАҚТИ ГУЛИ ХОР РАФТ БОЗОР

Абдулҳамид Самад
Овозаи омад-омади устод Бозор Собир ба Ватан моҳҳо идома ёфт. Интизораш будем. Вале сад дареғ, ки хабари нохушу ҷонгудози маргаш расид. Шоири тавоно, рангинхаёлу озодандеш Бозор Собир дар айёми гулшукуфт ба рӯзгори пур аз талош ва шебу фарози пуразияти шоирона пас аз бемории зиёд дар Амрико падруд гуфт ва шахсияташ ба хотира, осори арзишмандаш ба сарвати адабӣ табдил ёфт. ӯ дар авҷи даврони навҷӯӣ, бедорӣ ва худшиносии аҳли қалам ба майдони сухан қадам ниҳода, якбора не, бо тамкину фурсат, бо бинишу офариниши нозук, хаёлҳои рангин, образҳои тару тоза, ангезаи эҳсосҳои нотакрор, ҷасорату ирода мавзӯъҳои ватан, модар, ишқу худшиносӣ, ҳақталошиву армонҳои миллӣ, ҷойгоҳи шахсиятҳои баруманди таърихӣ дар адабиёт ҷову мақоми уствор пайдо кард. Дар тасвири шоиронаи Бозор хасу хор, гулу гиёҳ, пайроҳа, сангу хок, абру борон, дару девору мазор... ҷону ҷилои тоза ёфтанд. Маҳз омӯзишу ҷустуҷӯйи пайваста, сари ҳар калима, ибора ва сатр заргарона нури чашм сарф кардани Бозор ӯро ба мартабаи баланди шоирӣ расонд; соҳибмактаб низ кард.

Идомаи: ВАҚТИ ГУЛИ ХОР РАФТ БОЗОР

РАФТАСТУ МЕОЯД...


Низом Қосим

Устод Бозор Собир гӯё аслан дар дунёе бо номи Шеър таваллуд шуда буд ва батадриҷу табиӣ дар он бузург мешуду камол меёфт. 
Пайваста асрори сухан меҷуст ва суханро паҳлӯ мегардонд, то бозтоби тозаашро дарёбад. Аз куҳнагӯиву куҳнагароиҳо азалан ва амалан дилгир буд.
Дар дасти шоирии ӯ ибора ба ишора табдил мешуду ҳарф ба барф; ӯ намегуфт, ӯ меофариду офаридаҳояш зиндаву палмосиданӣ пеши назарҳо намоён мешуд. Мисраъҳояш роҳҳое буданд сӯи маънии баланду тасвироти дилписанд ва байтҳояш воқеан байт буданд - яъне, сарпаноҳи маромҳо, ормонҳо, санъатҳо, тасвирҳо, маъниҳо.

Идомаи: РАФТАСТУ МЕОЯД...

ЧАШМИ ГИРЁНИ ТИРЕЗАҲО

Гулназар

Ману Бозор солҳои тӯлонӣ ҳамсоя будем ва дар айёми ҳамкориамон дар идораи моҳномаи «Садои Шарқ» дар як утоқ менишастем. Вай табиатан ором ва камгап буд. Вале чашмони андешаманду ҳамеша маҳзунаш гӯё байти Хоҷа Ҳофизро пайваста такрор мекарданд:

Дар андаруни мани хастадил надонам кист,
Ки ман хомӯшаму ӯ дар фиғону дар ғавғост?!

Забони шеъраш ва хаёли шоириаш аз сухангустарони дигар ба тамом фарқ мекард. Чанде аз ӯ пайравӣ карданду мекунанд. Аммо кӯшишҳояшон бебарор мондааст.

Идомаи: ЧАШМИ ГИРЁНИ ТИРЕЗАҲО

ДАР СӮГВОРИИ УСТОД БОЗОР СОБИР

Яке аз бузургтарин шоирони муосири тоҷик имрӯз аз олам даргузашт

 

“Ховар”/. Бозор Собир, дорандаи Ҷоизаи давлатии ба номи Рӯдакӣ, яке аз   шинохтатарин ва дӯстдоштатарин шоирони ватансарои  тоҷик, субҳи имрӯз, соати 5-у 10 дақиқаи вақти Душанбе дар яке аз беморхонаҳои шаҳри Сиэтли Вашингтон (ИМА) дар синни 79-солагӣ аз олам даргузашт. Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам ЭмомалӣРаҳмон ба наздикону пайвандони шоири маҳбуб изҳори тасаллият ваҳамдардии амиқ баён намуданд. Сарвари давлат  ба Вазири корҳои хориҷии Ҷумҳурии Тоҷикистон, Сафорати Ҷумҳурии Тоҷикистон дар Иёлоти Муттаҳидаи Америка ва Намояндагии доимии Ҷумҳурии Тоҷикистон дар Созмони Милали Муттаҳид супориш доданд, ки ҷасади шоир Бозор Собирро аз Иёлоти Муттаҳидаи Америка ба Ватан оварда, дар шаҳри Душанбе ба хок супоранд.

Идомаи: ДАР СӮГВОРИИ УСТОД БОЗОР СОБИР

ҶАСАДИ БОЗОР СОБИР БА ВАТАН ОВАРДА МЕШАВАД

Имрӯз Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Вазири корҳои хориҷии Ҷумҳурии Тоҷикистон, Сафорати Ҷумҳурии Тоҷикистон дар Иёлоти Муттаҳидаи Америка ва Намояндагии доимии Ҷумҳурии Тоҷикистон дар Созмони Милали Муттаҳид супориш доданд, ки ҷасади шоир Бозор Собирро аз Иёлоти Муттаҳидаи Америка ба Ватан оварда, дар шаҳри Душанбе ба хок супоранд.

                                                                                                                                     манбаъ:http://navisandagan.tj

ТАСАЛЛИЯТИ ПЕШВОИ МИЛЛАТ БА НАЗДИКОНУ ПАЙВАНДОНИ ШОИРИ МАЪРУФИ ТОҶИК БОЗОР СОБИР

 

Имрӯз 1 майи соли 2018 соати 5-у 10 дақиқаи вақти Душанбе шоири маъруфи тоҷик Бозор Собир дар синни 79-солагӣ дар яке аз бемористонҳои шаҳри Сиэтли Вашингтон, ки як моҳи охир табобат мегирифт, аз олам даргузашт.

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба наздикону пайвандони шоири маҳбуб изҳори тасаллият ва ҳамдардии амиқ баён намуданд, ки дар он аз ҷумла омадааст:

«Бозор Собир аз зумраи шоирони ватансарое буд, ки дар тарбияи ҳисси ватандӯстию хештаншиносӣ ва ҳуввияти миллӣ заҳматҳои зиёде кашидааст.

Идомаи: ТАСАЛЛИЯТИ ПЕШВОИ МИЛЛАТ БА НАЗДИКОНУ ПАЙВАНДОНИ ШОИРИ МАЪРУФИ ТОҶИК БОЗОР СОБИР

САВГАНДИ НАВРЎЗ

Низом ҚОСИМ

Наврўзу адабиёт азалан тавъаманд - Наврўзи аҷдодӣ асрҳои аср илҳомбахшу рўҳафзои адибон будааст ва  адибон садсолаҳо ин ганҷинаи пурбаҳои маънавиро дар сурудаҳояшон зинда нигоҳ доштаву то ба имрўз расондаанд.

Лекин асли ҳақиқат ин аст, ки Наврўз маҳз дар замони Истиқлолияти давлатӣ ва аз шарофати сиёсати миллатдўстонаву фарҳангпарваронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон Эмомалӣ Раҳмон воқеан эҳё гардид ва бо ҳама рангҳои рангинкамони айёми баҳорон ҷилвагар шуд. Чунки Наврўз худ ҳам моҳиятан истиқлолият аст, истиқлолияти маънавие, ки дар сармоҳои тўлониву дарозои зулмонии таърих халқи моро барҷо нигоҳ дошт ва барпову болодаст то истиқлолияти воқеии сиёсиаш оварда расонд.

Идомаи: САВГАНДИ НАВРЎЗ

ДУ ҲАМБОЛЕМУ ҲАМПАЙМОН

Ҳангоме ки роҳбарони ду кишавари ҳамсояву дӯст, Асосгузори сулҳу ваҳдати миллӣ - Пешвои миллат, Президенти Тоҷикистон Эмомалӣ Раҳмон ва Президенти ӯзбекистон Шавкат Мирзиёев тукмаи рамзиро пахш карданд ва қитъаи роҳи оҳани Ғалаба-Амузанг боз гардид ва қаторҳо ба ҷунбиш омаданд, тирамоҳони дери соли 2015 дар даромади нақби Шаҳристон ба ёдам омад. Он вақт мо дар Рӯзи гиромидошти Парчами миллӣ назди сарбозон ба ноҳияҳои Шаҳристону Ғончӣ рафта будем. Ду рӯз пас дар бозгашт беш аз як соат дар даҳани нақб интизор истодем, роҳ банд буд, мегуфтанд мошинҳои бузурге, ки таҷҳизоти неругоҳи Роғунро мебаранд, дар дохил банд мондаанд, бор ба сақф хӯрдааст, онро фаровардаву илоҷе карда берун мебароранд, бозпас ба мошинҳо бор кардаву роҳро идома медиҳанд. Он рӯзҳо роҳи оҳанро баста буданду қаторҳои моро, ки ба Роғун таҷҳизот меовард, намегузоштанд ба Тоҷикистон дарояд. Ночор борро ба Хуҷанд бурдаву сипас ба воситаи мошин ба маҳали сохтмон меоварданд. Душвориҳои зиёде дар ин самт пеш меомад,  гоҳе мардум рӯҳафтодаву ноумед низ мегаштанд, аммо Роҳбари давлати мо ҳамеша бо бовар таъкид мекарданд, ки мо ҳатман Роғунро месозем, чораи дигар надорем.

Идомаи: ДУ ҲАМБОЛЕМУ ҲАМПАЙМОН

ФОТЕҲИ ҚАЛБИ РОҒУН

Бахтиёр МУРТАЗО

 

 Алиҷон Каримович он рӯзро ҳаргиз фаромӯш накардааст. Магар чунин рӯзи маҳшарро аз ёд баровардан  мумкин аст? Зинҳор имкон надорад. Ягон бинокори асили сохтмони  неругоҳи барқи обии Роғун ин воқеаи мудҳишро аз хотираш зудуда наметавонад.

Он вақт ҳам Алиҷон Каримович бар дӯш вазифаи масъулиятноке дошт, ба мудирияти неругоҳи  Роғун роҳбарӣ мекард.

Идомаи: ФОТЕҲИ ҚАЛБИ РОҒУН

ҶАЗБАИ МЕҲРИ БУЗУРГ

Чанде пеш бо унвони "Тенгдошлар" ("Ҳамсолон") дар нашриёти "Истеъдод" маҷмӯаи шеърҳои шоирони ҷавони тоҷик ба забони ӯзбекӣ интишор ёфт. Пештар аз ин дар пойтахти Ӯзбекистон шаҳри Тошканд афсонаҳои халқи тоҷик дар тарҷумаи узви Иттифоқи нависандагони Тоҷикистон Амонбой Ҷуманов ба табъ расида буд. Ҳамзамон дар тарҷумаи ҳамин адиб китоби "Корномаи Эмомалӣ Раҳмон"-и Леонид Чигрин ва Ато Ҳамдам низ ба дасти хонандагони ӯзбек расид.

Идомаи: ҶАЗБАИ МЕҲРИ БУЗУРГ

ЧОПИ АШЪОРИ ШОИРОНИ ТОҶИК ДАР ТОШКАНД

 

Таваҷҷуҳи Маркази тарҷумаи Иттифоқи нависандагони Тоҷикистон ба тарҷумаву нашри осори адибони тоҷик ба забони ӯзбекӣ далели меҳру муҳаббатамон ба мардуми кишвари дӯст мебошад. То кунун ин Марказ беш аз ҳар забони дигаре намунаи осори адибони тоҷикро ба забони ӯзбекӣ тарҷума кардааст.

Ҳоло хушхабар расид, ки маҷмӯаи дастаҷамъии шоирони тоҷик Лоиқ Шералӣ, Ашӯр Сафар, Низом Қосим ва Рустам Ваҳҳобзода дар шаҳри Тошканд ба забони ӯзбекӣ интишор ёфтанд.

Оре, баҳори дӯстию бародарии тоҷикону ӯзбекон ҳамеша сабзу хуррам хоҳад монд.

Муҳтарам Мирзо Муллоаҳмад!

Шумо перомуни масъалаҳои гуногуни адабиёт, забон ва фарҳанг рисолаву мақолаҳои зиёди илмиву оммавӣ таълиф намуда, роҷеъ ба осор ва аҳволи адибони даврони мухталиф таҳқиқоти боарзиш анҷом додаед. Асарҳои илмиатон  "Фурӯғи Бастомӣ ва ғазалиёти ӯ" (1967), "Фаррухии Систонӣ" (1978), "Нишот ва Миҷмар" (1983), "Лирикаи Адибулмамолик Амирӣ" (1985), "Қоонии Шерозӣ" (1992), "Инсон. Адабиёт. Фарҳанг" (1993), "Паёми Фирдавсӣ" (2003), "Суннатҳои пойдори даврони пурбори адабиёт" (2008), "Биё, то ҷаҳонро ба бад наспарем…" (2011), "Бузургдошти инсони нек" (2011), "Рӯдакӣ ва рӯдакишиносон" (2012) ва ғайра равшангари  гӯшаҳои зиндагӣ ва осори бузургони илму адаби тоҷик ва таърихи адабиёти пурғановати он мебошанд.  Омода ва чоп намудани матни мунтахаби оммавии "Қобуснома"-и Унсурулмаолии Кайковус дар солҳои 1979 ва 2007 хидмати пурбаҳоятон  ба хонандаи хурдсоли тоҷик буд ва таҳияву чопи "Рубоиёт"-и Умари Хайём (1983), "Баргузидаи ашъори Шаҳриёр" (1984), "Ҳикояҳои нависандагони муосири Эрон" (1986), "Рӯзномаи сафари Искандаркӯл"-и Абдураҳмони Мустаҷир" (1989), "Гулбонги навҷавонӣ"-и Лоҳутӣ (1991), "Андарзномаи Рӯдакӣ" (1992), "Андарзномаи Ҳаким Носири Хусрав" (2003), "Ашъори мунтахаб"-и Абӯабдуллоҳи  Рӯдакӣ (2008)  ва ғайра аз ҳамин қабил корҳои арзишмандатон мебошанд. Чоп шудани асарҳоятон дар Маскав, Теҳрон, Вашинтон, Боку, Машҳад, Қарочӣ, Кобул, Тошканд ва ғайра далели эътирофи асарҳоятон дар мамолики гуногун маҳсуб мешавад. Яке аз муаллифони нашри академии "Таърихи адабиёти Эрон дар асрҳои 19-20" (Маскав, "Наука", 1999) буданатон низ инро собит мекунад.

Идомаи: Муҳтарам Мирзо Муллоаҳмад!

ҶАМЪБАСТИ ОЗМУНИ "КИТОБИ СОЛ - 2017"

Дар Вазорати фарҳанг бо иштироки масъулон ва адибону донишмандон озмуни ҷумҳуриявии "Китоби сол - 2017" ҷамъбаст гардид. Ба озмуни  мазкур китобҳои бадеию илмии адибону пажўҳишгарон, ки соли 2017 таълиф ва нашр шудаанд, пешниҳод гардиданд. Ҳайати тадорукот баъди таҳлилу баррасӣ ғолибони озмунро муайян ва бо мукофоти махсус сарфароз намуд. 

Идомаи: ҶАМЪБАСТИ ОЗМУНИ "КИТОБИ СОЛ - 2017"

ОМОДАГИИ ОЛИМОН БА ҶАШНИ АДИБИ БУЗУРГ

Бахшида ба 140-солагии сардафтари адабиёти муосири тоҷик, нависанда, олим ва нахустин  сарвари Академияи илмҳои Тоҷикистон, Ходими хизматнишондодаи илми ҶШС Тоҷикистон, академики фахрии Академияи илмҳои ҶШС ўзбекистон, Қаҳрамони Тоҷикистон устод  Садриддини Айнӣ моҳи  апрели соли 2018 дар шаҳри Душанбе Конфронси байналмилалӣ таҳти унвони "Садриддин Айнӣ, илму адаб ва фарҳанги муосир" баргузор мегардад.

Институти забон ва адабиёти ба номи Абўабдулло Рўдакии  Академияи илмҳои Ҷумҳурии Тоҷикистон аз созмондиҳандагони асосии конфронс ба шумор меравад.

Идомаи: ОМОДАГИИ ОЛИМОН БА ҶАШНИ АДИБИ БУЗУРГ

РЕГИСТОНИ МӮЪҶИЗАВӢ

Адаш ИСТАД

Баъзе касон гумон мекунанд, ки маҷмӯа, яъне Ансамбли Регистон танҳо аз се мадраса ва майдони таърихии он иборат аст.

Таърих гувоҳ аст, ки дар ин ҷо иморатҳои бузурги дигаре низ буданд. Аз ин иморатҳо куҳансолтаринаш Мадрасаи Мирзо Улуғбек – ҳоким ва донишманди маъруфу машҳур мебошад, ки сохтани он соли 1417 ба охир расида, корҳои кошинкориву тазйин боз се соли дигар давом кардааст. Аз рӯи лоиҳаи Мирзо Улуғбек дар Регистон корвонсарой, хонақоҳ, гармоба ва масҷид низ сохтаанд. Ҳоло дар ҷои корвонсарой Мадрасаи Тиллокорӣ ва дар ҷои хонақоҳ Мадрасаи Шердор истодааст, ки бо фармоиши ҳокими Самарқанд Ялангтӯш бунёд ёфтаанд. Иморати аз ҳама калон мадрасаи Алика Кӯкалдош будааст, ки 210 гумбаз доштааст.
Номи деринаи Регистон Сардувоник будааст, тахмин ба маънои ҷои тақсимгоҳи оби равон. Ҳафриёти археологҳо мавҷудияти ҷӯйҳои қадимаи Регистонро тасдиқ кардаанд.

Идомаи: РЕГИСТОНИ МӮЪҶИЗАВӢ

СОЛНОМАИ ФАРҲАНГУ АДАБИ ТОҶИКИСТОН

 

Нашрияи миллии адабии “Садои Шарқ” куҳантарину ҷомеътарин нашрияи фаъоли адабию иҷтимоии Тоҷикистон аст, ки инак ба қуллаи 90-солагӣ расид.
Шумораи нахустини маҷалла бо номи “Дониш-биниш” дар Самарқанд интишор ёфт. Аз шумораи дувуми соли 1927 то соли 1932 он бо унвони “Раҳбари дониш” чоп мешуд. Аз соли 1932, бино бар таҳаввулоти сиёсие, ки ба ҳаёти адабию фарҳангӣ низ нуфуз карда буд, номи ин маҷалла “Барои адабиёти сотсиалистӣ” шуд, ки ба сурати мухтасар “БАС” низ қайд мегардид. Аз соли 1934 то 1964 маҷалла унвони “Шарқи сурх”-ро дошт ва аз шумораи 5-уми соли 1964 то имрӯз бо номи “Садои Шарқ” интишор меёбад. Дар тӯли ин таърих танҳо бо шурӯъи Ҷанги бузурги Ватанӣ аз соли 1941 то 1945 чопи маҷалла қатъ гардид ва аз соли 1946 боз интишори он давом ёфт.

Идомаи: СОЛНОМАИ ФАРҲАНГУ АДАБИ ТОҶИКИСТОН

ТУЛӮИ ОФТОБИ БАХТИ ТОҶИК

Иштироки Пешвои миллат Эмомалӣ Раҳмон дар маҷлиси тантанавӣ ба ифтихори 25 - умин солгарди Иҷлосияи 16-уми Шӯрои Олии Ҷумҳурии Тоҷикистон

19 ноябри соли 2017 Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ноҳияи Бобоҷон Ғафурови вилояти Суғд дар маҷлиси тантанавӣ ва ҷамъомади идона ба ифтихори ҷашни 25 - умин солгарди Иҷлосияи таърихии 16-уми Шӯрои Олии Ҷумҳурии Тоҷикистон иштирок ва суханронӣ карданд.

Дар чорабинии бошукуҳ, ки дар макони баргузории иҷлосияи таърихӣ - Қасри Арбоби ба номи Саидхӯҷа Ӯрунхуҷаев доир гардид, собиқ вакилони Иҷлосияи 16 - уми Шӯрои Олии Ҷумҳурии Тоҷикистон, аъзои Ҳукумати кишвар, аъзои Маҷлиси миллӣ ва вакилони Маҷлиси намояндагони Маҷлиси Олии Ҷумҳурии Тоҷикистон, фаъолони вилоят ва дигар меҳмонони ҷашнвора иштирок карданд.

Пешвои миллат муҳтарам Эмомалӣ Раҳмон ҳамаи иштирокчиён ва кулли мардуми кишварро бо солгарди иҷлосияи тақдирсозу таърихӣ, ки оғози марҳилаи созандагӣ ба хотири ваҳдати комили сартосарӣ ва сулҳу субот буд, табрику таҳният гуфтанд.

Ёдовар мешавем, ки аз 16 ноябр то 2 декабри соли 1992 дар Қасри маданияти ба номи Саидхӯҷа Ӯрунхуҷаеви вилояти Суғд Иҷлосияи таърихии 16 - уми Шӯрои Олии Ҷумҳурии Тоҷикистон баргузор гардид ва ҳамон вақт вакилон бо як овоз Эмомалӣ Раҳмон - сиёсатмадори оқилу хирадманд ва саодатпешаро Раиси Шӯрои Олии  Ҷумҳурии Тоҷикистон - Сарвари давлати тоҷикон интихоб карданд.

Аз рӯзҳои нахустин ҷонибдорӣ аз сиёсати пешгирифтаи Пешвои миллат муҳтарам Эмомалӣ Раҳмон нишонаи садоқат ва меҳру муҳаббати бепоёни халқи тоҷик ба ин фарзанди фарзонаи миллат мебошад.

Роҳбари хирадманду саодатпеша муҳтарам Эмомалӣ Раҳмон, ки ба аҳдаш вафо кардаву ба мардум сулҳ овард, дар ин рӯзи пур аз нишот бори дигар аз талошҳои созандаву бобарори роҳбарияти давлату ҳукумат ва мардуми шарафманди кишвар баҳри ба як кишвари воҳид табдил додани Тоҷикистон андешаронӣ карданд.

Сарвари давлат муҳтарам Эмомалӣ Раҳмон таъкид доштанд, ки оғози кори иҷлосия ибтидои умеду дилпурии мардуми Тоҷикистон буд ва дар ҳақиқат гузашти вақт собит намуд, ки вакилони Шӯрои Олӣ дар ин иҷлосияи таърихиву тақдирсоз зарурат ва аҳаммияти нигоҳдории якпорчагии давлат ва ягонагии миллати тоҷикро ҷиддан дарк мекарданд.

Мардуми Тоҷикистон низ аз онҳо ҷиҳати аз буҳрони шадиди сиёсиву иҷтимоӣ баровардани мамлакат иродаи мустаҳками сиёсӣ, заковат ва ғайрату матонатро интизор буданд. Вакилони халқ бо қабули қарорҳои воқеан ҳаётӣ собит намуданд, ки онҳо ҷонибдори истиқлолияти давлатӣ, сулҳу субот, ваҳдати миллӣ, якпорчагии Тоҷикистон ва ободиву рушди ояндаи он мебошанд.

Воқеан, ин иҷлосия дар рушд ва таҳкими давлатдории навину истиқлолияти воқеии Тоҷикистон, якпорчагии он, ваҳдати миллӣ ва истиқрори сулҳ дар сарзамини бостонӣ, амалӣ гардидани ислоҳоти сиёсӣ, хуқуқӣ, иқтисодиву иҷтимоӣ дар роҳи бунёди ҷомеаи шаҳрвандӣ асос гузошт.

Пешвои миллати тоҷик муҳтарам Эмомалӣ Раҳмон новобаста аз вазъи мураккаби сиёсӣ ва ҷанги шаҳрвандӣ дар ин солҳо ва лаҳзаҳои тақдирсоз,  ҳамчун               сиёсатмадори ҷасуру далер амал карда, аз рӯи хиради азалии халқи тоҷик ҳамчун фарзанди сарсупурдаи миллат барои барқарор кардани сохти фалаҷгаштаи давлатдорӣ, иқтисодӣ ва ба даст овардани сулҳу суботи сартосарӣ ҷонфидоӣ намуданд.

Дар охири суханронии хеш Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бори дигар иштирокчиёни ҷамъомади тантанавӣ ва кулли шаҳрвандони кишварро бо ин санаи таърихию тақдирсози миллат табрику таҳният гуфтанд. Сарвари давлат муҳтарам Эмомалӣ Раҳмон бо итминон иброз доштанд, ки минбаъд низ ҳар як фарди бонангу номус ва фарзандони худогоҳу худшиноси Ватан дар роҳи таҳкими истиқлолият, ваҳдати миллӣ ва ҳифзи манфиатҳои Тоҷикистони азизамон бештар талош варзида, баҳри таъмини зиндагии шоистаи мардум саҳми арзандаи хешро мегузоранд ва орзу намуданд, ки дар сарзамини аҷдодиамон - Тоҷикистони азиз офтоби сулҳу сафо ҳамеша дурахшон бошад.

Пас аз суханронии Президенти мамлакат муҳтарам Эмомалӣ Раҳмон аз номи вакилони Иҷлосияи 16-уми Шӯрои Олии Ҷумҳурии Тоҷикистон собиқ вакили Шурои Олӣ Гулафзо Савриддинова баромад карда, оид ба саҳми арзандаи Сарвари давлат муҳтарам Эмомалӣ Раҳмон андешаронӣ намуд.

Сипас дар вазъияти тантанавӣ ба Пешвои миллат муҳтарам Эмомалӣ Раҳмон аз номи собиқадорон, вакилони Иҷлосияи 16-уми Шӯрои Олии Ҷумҳурии Тоҷикистон мусаввара тақдим карда шуд.

 

Маҷлиси тантанавии имрӯзаро барномаи рангину пурмуҳтаво ва ҷолиби устодони санъати ҷумҳурӣ идома бахшид.

ОИНАИ ТАМОМНАМО

 

Дар мулоқоти охири Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо аҳли зиёи кишвар синамои тоҷик ва дурнамои он дар маркази таваҷҷуҳ қарор дошт ва таъкид мешуд, ки ин риштаи муҳими ҳунар бояд мувофиқи талаботи замони муосир густариш ёбад.

Идомаи: ОИНАИ ТАМОМНАМО

Подкатегории

СУРОҒА

  • (+992 37) 224-57-37 | (+992 37) 224-57-67
  • Этот адрес электронной почты защищен от спам-ботов. У вас должен быть включен JavaScript для просмотра.
  • 734025, Ҷумҳурии Тоҷикистон, шаҳри Душанбе. хиёбони Исмоили Сомонӣ 8
  • FAX (+992 37) 224-57-37

Copyright © 2017.  All rights Reserved